Link açıqlığı

İşğal etilgen Qırımda yaqın senelerde Rusiyeli «Poçta bank» ofisleriniñ açılması planlaştırılmay. Bank yolbaşçısı Dmitriy Rudenkonıñ ilân etkenine köre, yarımadada bölüklerniñ açılması «Poçta banka» strategiyasında yoq», dep bildire TASS agentligi.

«Strategiyada 2016 senesi Qırım iç te yoq, 2017 senesi de yoq. Coğrafik inkişaf bizde nezaret şurasında muzakere etile, o yerde «Poçta bank» ve VTB 50 ve 50. Paydaşlar areket etmek kerek, dep qarar alsa, areket etecekmiz. Yarımadada «Qırım Poçtası» çalışa, bu başqa bir müessise, olarnen munasebetlerimiz yoq», – dep ayttı o.

«Poçta bank» – VTB 24 bankınıñ bölügi olğan «Leto banka» esasında VTB ve «Rusiye Poçtası» taqımı tarafından 2016 senesi yanvar ayında teşkil etilgen universal bank ola.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG