Link açıqlığı

Qırğızistanğa Moskvada yanğın neticesinde elâk olğan qadın işçileriniñ cesetleri ketirildi


Altufyev caddesindeki anbarda yanğın

Rusiyeden Qırğızistanğa avgust 27-de Moskva şimalinde basmahane anbarı binasında yüz bergen yanğın neticesinde elâk olğan 14 yaş qadın işçisiniñ cesedi eki uçaqnen ketirildi. Bir uçaq Oş şeerine, digeri Qırğızistan paytahtı Bişkekke keldi, dep bildire Radio Svoboda.

Qırğızistanda matem ilân etildi, ükümet binalarında bayraqlar tüşürildi, bütün tantanalı merasimlerniñ keçirilmesi lâğu etildi. Devlet prezidenti Almazbek Atambayev işçiler ölümi devletniñ büyük ğayıbı olğanını ayttı ve yaqınlarını coyğan qorantalarğa yardım köstermege avale etti.

Moskvada sakinler Qırğızistan elçiligi binasına çiçekler ketire. Rusiye tışqı işler naziri Sergey Lavrov felâket sebeplerini belgilemek içün taqiqat işleri alıp barılğanını ayttı ve qabaatlı olğanlar mesüliyetke celp etilecegi aqqında söz berdi.

Keçken cumaertesi künü matbaa mahsulatı anbarında yüz bergen yanğın neticesinde 17 kişi elâk oldı, olarnıñ 14 – Qırğızistandan yaş qadınlar oldı. Moskva ve vilâyet Qırğız diasporası temsilcisi bildirdi ki, olar qanun boyunca Rusiyede çalıştı. Tahminlerge köre, yanğın sebebi qısqa tutaşuv, ya da yaqma ola bile. Üç Qırğızistan vatandaşı yanıq yaralarınen hastahanege ketirildi.

XS
SM
MD
LG