Link açıqlığı

Adliyeci Mark Feyginniñ fikrince, Qırımtatar Milliy Meclisi reisniñ muavini İlmi Umerovnı yaqın künlerde Qırımda psihiatrik hastahaneden yiberecekler, onı bu yerde endi ekinci afta tutalar. Bu aqta o Radio Svobodağa bergen intervyusında Umerovnı tıbbiy müessisede ziyaret etken soñ ilân etti.

Feyginniñ sözlerine binaen, Umerovnıñ işi boyunca taqiqatçı onı bugğn saba yiberecek edi, amma «soñki daqqa bunı yapmaqtan vazgeçti», bu adliyeciler, halqara cemaatçılıq ve uquq qoruyıcılarnıñ tarafından basım neticesinden olğanı körünmesin dep.

«Amma, eminim ki, yaqın bir-eki kün içinde Umerovnı yiberecekler, çünki onı daa tutmaqnıñ kerekligi yoqtır – o pek hastadır», – dep ayttı Feygin.

İşğal etilgen Qırım ükümeti 59 yaşındaki İlmi Umerovnı televizion yayınında «Rusiyeni Qırımdan ve Donbasstan çıqmaq mecbur etmek kerek» degen sözleri içün Rusiye topraq bütünligini bozmaq çağıruvlarda qabaatlaylar. Avgust 11-de Meclis reisiniñ muavini, sağlıq alına baqmadan, mahkeme qararına binaen psihiatrik hastahanege ekspertizağa ketirildi.

Keçken afta Avropa Birligi Rusiyeni Umerovnı deral azat etmege çağırdı.

XS
SM
MD
LG