Link açıqlığı

Onlarca adamlar bazarertesi künü Yemen cenübindeki Aden şeerinde yüz bergen patlav neticesinde elâk oldı. Bildirilgen malümatqa köre, özüni öldürgen kişi ükümet quvetleriniñ arbiy bazası territoriyasında avtomobilni patlattı. Elâk olğanlarnıñ çoqusı, yañı qabul etilgenler oldı.

«Sıñırsız ekimler» teşkilâtınıñ malümatına binaen, eñ azdan 60 kişi elâk oldı, tahminen 30 adam yaralandı, dep bildire AFP.

Patlav içün mesüliyetni şimdilik kimse boynuna almadı. Evel Yemen cenübinde özüni öldürgen insanlarnıñ ücümleri, çoqusı, «Al-Qaida» ya da «İslâm devleti» taqımınen bağlı cihadistler tarafından etilgen edi. Saudi Arabistan tarafından desteklengen Yemen ükümeti devletniñ tek bir qısmını nezaret astında tuta. Cenüpte o, radikal cihadistlernen, şimalde ve ğarpta ise, Yemen paytahtı Sananı nezaret astında tutqan husit-isyancılarnen küreşe.

XS
SM
MD
LG