Link açıqlığı

Saatnıñ esas haberi

Furtunalı ava Qırımnı terk etmey


İşğal etilgen Qırımda kene de furtuna havfı ilân etildi. Rusiye Fevqulade vaziyetler nazirliginiñ Qırım baş idaresi bildirdi ki, avgust 29-da bazı yerlerde şiddetli sağanaqlar, burçaq, saniyede 15-20 metr suratınen yel ve boranlı yağmur beklenile.

Müessisede vatandaşlarnı yağmur yağğanda ve şiddetli yel eskende muqayt olmağa çağırdılar.

«Ava kergin olğanda esas diqqatnı balalar ve esli başlı adamlarnıñ havfsızlığına ayırıñız, etraftaki insanlarğa nisbeten diqqatlı oluñız», – dep aytıla Rusiye Fevqulade vaziyetler nazirliginiñ beyanatında.

Bu sene yarımadağa şiddetli boranlı yağmur ve sağanaqlar keldi. Qırım şimalinde yaşın uruvı neticesinde Krasnoperekopsk rayonında bir qaç köy yarıqsız qaldı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG