Özbekistan prezidenti İslam Karimov hastahanege ketirildi. O, Taşkent hastahaneleriniñ birinde «kerekli tıbbiy yardımnı ala», dep bildire Radio Svoboda, Özbekistan devlet kütleviy haber vastalarınıñ malümatına esaslanıp.
Devlet ükümetiniñ malümatına binaen, 78 yaşındaki prezidentniñ tolu tıbbiy teşkerüvi ve nevbetteki tedaviylevi içün «belli bir vaqıt kerek olacaq».
Menbalardan iç biri İslam Karimovnıñ hastahanege ketirilmesi sebebini bildirmey.
Radio Svobodanıñ Özbek muarririyetiniñ, öz menbalarına esaslanıp, bildirgenine köre, Karimov soñki bir qaç kün devamında ağır hastadır.
Beklenilgenine köre, sentabr 1-de İslam Karimov Özbekistan Mustaqilligi künü munasebetinen tantanalı merasimlerde iştirak etecek.
