Link açıqlığı

Frenkistanda mahkeme musulman yuvunma kostümleriniñ yasaqlanmasını toqtattı


Burkini – musulman qadınları içün yuvunma kostümi

Frenkistan Devlet şurası burkini, yani musulman yuvunma kostüminiñ yasaqlanmasını mahkemeniñ bu mesele boyunca soñki qararı alınmasına qadar toqtattı, dep bildire Guardian.

Cumaaqşamı künü frenk uquq qoruyıcıları Vilnev-Lube şeeriniñ mahkemesiniñ plâjda qadın musulman yuvunma urbasınen yürmekni yasaq etmek qararına qarşı şikâyet etti. Aynı böyle yasaqlama endi 30 frenk şeerinde kirsetildi.

Yerli ükümetniñ fikrince, Frenkistanda yaqın vaqıtta yüz bergen ücümler sebebinden böyle urba cemaat tertibiniñ bozulmasına ketire bile. Özüni 2017 senesi prezident saylavlarında namzet köstergen sabıq Frenkistan prezidenti Nikolâ Sarkozi, bu vazifege saylanılsa, burkinini yasaq etmege söz berdi.

Devlet şurası – Frenkistannıñ yuqarı memuriy müessisesi ola, işbu müessise, qanunlar uquq qaidelerine uymağan olsa, olarnı lâğu ete bile.

XS
SM
MD
LG