Link açıqlığı

Hayser Cemilevniñ imayecileri onı müddetten evel azat etmege muracaat ete


Hayser Cemilev

Qırımtatar milliy lideri Mustafa Cemilevniñ oğlu Hayser Cemilevniñ imayesi onıñ müddetten evel şartlı azat etilmesi aqqında şefaat arizasını berdi. Bu aqta adliyeci Nikolay Polozov bildirdi.

«Hayser Cemilovnıñ menfaatlarında müddetten evel şartlı azat etilmesi aqqında şefaat arizasını berdim, Sovetskiy rayonı mahkemesi», – dep yazdı Twitterde Polozov, qaysı biri şimdi rusiyeli Astrahan şeerinde buluna.

Hayser Cemilevni 2013 senesi mayıs 27-de onıñ Bağçasaraydaki evinde yaqalap, o yerde 44 yaşındaki Fevzi Edemovnı babasınıñ tüfeginden öldürgeninde qabaatladılar. Qırım işğal etilgen soñ rusiyeli taqiqat organları onıñ işini yañıdan baqmağa qarar aldı. Hayserni Aqmescit apishanesinden çıqarıp, Krasnodar vilâyetine alıp kettiler.

Rusiye Federatsiyasınıñ Yuqarı mahkemesi Krasnodar ülkesiniñ mahkemesi Hayser Cemilevge bergen 5 yıllıq apis cezasını bir buçuq yılğa qısqarttı. Kiyevniñ Dnepr mahkemesi 2015 senesi aprel ayında onı 3 yıl ve 8 ayğa qadar apiske almağa qarar aldı.

Hayser Cemilev 10 sanlı Astrahan apishanesinde buluna.

Keçken sene İnsan aqları boyunca Avropa mahkemesi Hayser Cemilevniñ işi boyunca qarar alıp, onı SİZO-dan çıqarmasını belgiledi, amma Rusiye bu qararnıñ işke tüşürmesinden qaçına.

XS
SM
MD
LG