İtaliya ükümeti zelzeleden zararlanğan regionlarda fevqulade vaziyet nizamını ilân etti, vaqia neticesinde eñ azdan 250 kişi elâk oldı.
Cumaaqşamı künü devletniñ baş naziri Matteo Rentsi 50 million avro yarım paketi ayırılması ve felâket zonasında olğan sakinler içün bergi imtiyazları aqqında ilân etti. Rentsiniñ sözlerine binaen, viran etilgen meskün yerler devlet tarafından yañıdan tiklenilecek, dep bildire ANSA italiyalı agentligi.
Çarşenbe kününe keçer gecesi İtaliya merkeziy qısmında 6,2 magnitudalı zelzele yüz berdi. Zelzele ortası Amatriçe şeeri (Umbriya) civarında oldı. Eñ azdan 250 adam elâk oldı. 215 kişi qurtarıldı, 365 yaralandı, belgisiz ğayıp olğan ya da omravlar tübünde bulunğan kişilerniñ tam sayısını aytmaq imkânsızdır. Biñlerce adamlar evsiz qaldı ve çadır lagerlerinde ya da avtomobillerde geceley.
Gece-kündüz devam etken qurtarıcı işlerde tahminen 6 biñ adam iştirak ete.
Zelzeleden 293 medeniy-tarihiy asabalıq obyektine zarar ketirdi, dep bildirdi İtaliya medeniyet ve turizm naziri.
2009 senesi italiyalı L’Akuila şeerinde yüz bergen zelzele neticesinde 300-den ziyade insan elâk oldı.
