Link açıqlığı

Ukraina prezidenti Petro Poroşenko Donbassta silâlı taqımlar tarafından atış ziyadeleşkeni aqqında bildirdi ve Rusiye prezidenti Vladimir Putinniñ kerçek maqsadı Donetsk ya da Lugansknı alması degil de, bütün Ukrainanı alması olğanını qayd etti. Bu aqta o, amerikalı CNN telekanalına bergen intervyusında bildirdi.

«Olarğa Donetsk ya da Lugansk kerekmey, olar bütün Ukrainanıñ Rusiye imperiyasınıñ qısmı olacağını istey. Olar havfsızlıq global nizamınıñ destabilizatsiyasını istey», – dep ayttı Petro Poroşenko.

Petro Poroşenko qayd etti ki, şimdilik «Yigirmi gruppası» sammiti çerçivesinde Qıtayda Almaniya, Frenkistan ve Rusiyeniñ körüşüviniñ tasdıqlanması yoq.

«Ümüt etemiz ki, «normand formatı» işi yañıdan tiklenilecek. Bu olmasa, Rusiyeniñ areketleri sebebinden, Minsk añlaşmalarınıñ implementatsiyası saasında iç inkişafnı beklemek mümkün degil», – dep qayd etti Ukraina prezidenti.

Bundan evel Ukraina tışqı işler naziri Pavlo Klimkin «Yigirmi gruppası» sammitiniñ iştirakçileri sentâbr ayında, bu cümleden, Rusiyeniñ Ukrainağa qarşı zorbalığını da muzakere etecegine ümüt besledi.

XS
SM
MD
LG