Link açıqlığı

Rusiye Taqiqat komitetiniñ Qırım idaresi Moskva vilâyeti sakininiñ Köktebel köyü yanındaki Uzun Sırt (Klementyev) dağında paraplannen tüşkeninde elâk olğanı aqqında bildire.

Müessise matbuat hızmetiniñ bildirgenine köre, 45 yaşındaki aqay kişi tüşkende yıqıldı ve hastahanege yolda acele yardım maşnasında vefat etti. Rusiyeli taqiqat organları vaqia şaraitini ögrenmek içün teşkerüv keçire.

Keçken sene Uzun Sırt (Klementyev) dağı yanında «Cessna» şahsiy uçağı uruldı, dört kişi elâk oldı. Uquq qoruyıcılar uçaq urulğanı taqiqatı çerçivesinde «Köktebel» planer sport merkezi» müdirini yaqaladı.

Ameldeki Qırım ükümeti Köktebelde olimpik paraplanerist mektebini açmağa niyetlene.

Uzun Sırt dağı planerizm sevdalarınıñ begengen yeri ola.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG