Link açıqlığı

Qırımda qırımtatarlarnıñ faşistlernen işbirlik tutqanları aqqında kitapnı kene de tarqatalar – müellif


Qırımtatarlarnı faşistlernen işbirlik tutqanlarında qabaatlağan ve olarnıñ sürgün etilmesini aqlağan qavğalı belli «Hatırlamağa rica ettiler» Şarqiy Qırım hatıra kitabı» kene de işğal etilgen Qırım territoriyasında tarqatıla.

Bu aqta «Krımskiy telegraf» neşrine bergen intervyusında onıñ müelliflerinden biri Vladimir Şirşov bildirdi.

«Yarımada Rusiyege qoşulğan ve bu yerde Meclis yoq etilgen soñ vaziyet deñişti, endi biz raat-raat kitabımıznı tarqata bilemiz. Lâkin, bizden keçirilmegen taqdimden hırsızlanğan nushalarnı yerli erbaplar, bilgenime ve añlağanıma köre, Qırımdan uzaqça ediye olaraq yollamağa tırışalar», ‒ dep bildirdi Şirşov.

Onıñ qayd etkenine köre, bir qaç kün evel «Sizni hatırlaymız» adlı kitapnıñ ekinci tom boyunca iş yekünlendi.

«Bu kitap «gidrogen bomba» olacaqtır ve Rusiye ve sabıq SSCB territoriyasında bu mevzu boyunca eñ aqiqiy kitap olacaqtır», ‒ dep ayttı Şirşov.

2013 senesi Qırımda bücet parasına «Hatırlamağa rica ettiler» Şarqiy Qırım hatıra kitabı» çıqarıldı, kitapta yarımadada milletlerara munasebetlerni kerginleştirgen ksenofobik fikirler aytıla.

Kütleviy haber vastalarınıñ malümatına binaen, kitaplarnıñ erbaplarınıñ birinde qırımtatarlar Ekinci cian cenki vaqtında amama-aman episi duşman tarafına keçkeninde qabaatlana. Müellifler, efsaneviy qırımtatar istihbaratçısı Alime Abdennanovağa da «işğalcilerniñ yardımcısı» dep ayttı, o, çoq devat etken qıynavlardan soñ faşistler tarafından öldürildi. Abdennanova, qaramanlığı içün Qırmızı Sancaq nişanına nail oldı.

Kütleviy haber vastalarında malümat peyda olğan soñ, Qırımda narazılıq aktsiyası keçirildi, onıñ çerçivesinde iştirakçiler qavğalı kitapnı yoq etmege talap etti. Bundan soñ neşirniñ bütün tirajı yaqalandı.

XS
SM
MD
LG