Link açıqlığı

Rostov-na-Donu şeerindeki Şimaliy Qavqaz okrug arbiy mahkemesiniñ toplaşuvında mahküm etilgen Qırım musulmanları «Hizb ut-Tahrir» teşkilâtınen bağlı olğanları aqqında qabaatlavlarnı red etti.

Hususan, Qırım.Aqiqatqa belli olğan malümatqa binaen, birinci olaraq Nuri Primov sözde bulundı, o, taqdim etilgen qabaatlav boyunca qabaatını tanımağanını, qayd etilgen teşkilâtnıñ faaliyetinde iştirak etmegenini ilân etti. Aynı böyle beyanat diger mahküm etilgen kişi – Rustem Vaitov tarafından da oldı. Olarnıñ arizaları işke qoşuldı. Ruslan Zeytullayev mahkemede suallerge cevap bermege red etti.

Rostov-na-Donu şeerindeki Şimaliy Qavqaz okrug arbiy mahkemesinde «Hizb ut-Tahrir» teşkilâtınen bağlı olğanında qabaatlanğan Qırım musulmanları Ruslan Zeytullayev, Rustem Vaitov, Nuri Primov ve Ferat Sayfullayev mahküm etile.

Olar 2015 senesi qışta Aqyarda yaqalandı. Mayıs ayında olarnıñ apiste bulunma müddeti oktâbr ayına qadar uzattırıldı.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifatına birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG