Avgust 23-te işğal etilgen Qırımnıñ Rusiyege boysunğan Yuqarı mahkemesiniñ toplaşuvında «Çiygoznıñ işi» boyunca üç zararlanğan kişiden birini diñlediler. Adliyeci Nikolay Polozovnıñ bildirgenine köre, bundan soñ mahkemeciler saat 14.00-ke qadar teneffüs ilân etti.
Bu iş boyunca avgust 23-te keçirilgen toplaşuvğa üç zararlanğan kişi çağırldı, olar Ukraina sabıq militsionerleri, şimdiki vaqıtta ise, Rusiye Federatsiyası politsiyası hadimleri ola.
Ahtem Çiygoz mahkeme zalında yoq.
Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.
Qırımtatarlarnı, Qırımnıñ şimdiki yolbaşçısı Sergey Aksönov yolbaşçılığında «Rus birligi» firqasınıñ faallerine qarşı çıqqan Ukraina topraq bütünligi tarafdarlarınıñ mitinginde iştirak etüv içün mahküm eteler.
Ahtem Çiygoz mahkemede özüni qabaatlı tanımadı.
