Link açıqlığı

Saatnıñ esas haberi

Mustaqillik künü Qırım sakinleri Kiyev merkezinde «Boysunmağanlar yürüşi» ile keçecek


İllüstratsiya fotoresimi
İllüstratsiya fotoresimi

Avgust 24-te, Ukraina Mustaqilligi künü Kiyevde Kreşatikte «Boysunmağanlar yürüşi» keçirilecek. Merasim idarecilerinden biri olğan Anna Kovalenkonıñ Qırım.Aqiqatqa bildirgenine köre, aktsiyağa Qırım sakinleriniñ, köçkenlerniñ qorantaları, qırımtatarlarnıñ temsilcileri qoşulacaq.

Teşkilâtçılar cemaatçılıqnı birleştirip, asker olmayıp ta, ukrain ordusına destek köstermek içün isse qoşqan adamlar aqqında hatırlatmağa istey.

«Bu yürüş – ekimler, göñülliler, askerlerniñ ana-babalarına, boysunmağan askerlerine büyük ürmet timsalidir. Bu, boysunmağanımıznı köstergen işarettir. Biz barmız! Biz yaşaymız! Ve eñ yahşı taqdir içün küreşmek azırmız! Bunıñ içün bütün batalyonlarğa ve teşkilâtlarğa, göñüllilerge, kapellanlarğa, ekimlerge ve elâk olğan qaramanlarnıñ qorantalarına avgust 24-te Mustaqillik künü Boysunmağanlar sıralarına turıp, halq yürüşinen keçmege teklif etip davet etemiz», – dep çağıra teşkilâtçılar.

Yürüş çerçivesinde medeniyet qısmı de teşkil etilecek – aktrisa Natalya Sumskaya şiirler oquycaq, Ukraina gimni yanğıraycaq, yürüş soñunda ise, dua keçirilecek.

Ukraina avgust 24-te Mustaqillikniñ 25 yıllığını qayd ete. Bu kün ukrain paytahtında arbiy parad keçirilecek.

XS
SM
MD
LG