Link açıqlığı

Ukraina tışqı işler naziri Pavel Klimkin bildire ki, Birleşken Milletler Teşkilâtınıñ deñiz aqqı boyunca Konventsiyası çerçivesinde Rusiye tarafından mecburiyetlerniñ bozulması aqqında iş yaqın vaqıtta halqara mahkeme müessiselerine teslim etilecek.

«Yaqın aftalarda biz, mütenasip tevsiyeleşüvden soñ, arbitraj çerçivesinde terrorizmni paranen teminlev yasaqlanması aqqında Konventsiya çerçivesinde Rusiyeniñ bütün mecburiyetlerni bozğanını isbatlamaq içün nevbetteki adımlar yapacaqmız», – dep ayttı Klimkin avgust 22-de Kiyevde keçirilgen ХII-ci Ukraina tışqı diplomatik müessiseleriniñ yolbaşçıları toplaşuvınıñ açılış merasiminde.

2016 senesi iyün ayında tışqı siyaset müessisesinde bildirdiler ki, Ukraina, Birleşken Milletler Teşkilâtınıñ deñiz aqqı boyunca Konventsiyası tarafından kefil olunğan aq-uquqlarını qorçalamaq içün davanı Qırımnıñ Rusiye tarafından işğal etilgeni sebebinden aça.

Bundan evel bu ay Klimkin ilân etti ki, Ukraina, işğal etilgen Qırım civarındaki suvlarda mustaqil aqlar meselesinen bağlı Rusiyenen arbitraj davasına azırlıqnı yekünledi.

XS
SM
MD
LG