İşğal etilgen Qırımda kene de furtuna havfı ilân etildi. Rusiye Fevqulade vaziyetler nazirliginiñ Qırım baş idaresi bildirdi ki, avgust 22-de saba ve kündüz yarımadada şiddetli sağanaq, boranlı yağmur, burçaq ve şiddetli yel beklenile.
Boranlı yağmurlar ve şiddetli yeller yarımadada avgust başından devam ete. Yaşın elektrik ağına urğanı sebebinden Krasnoperekopsk rayonındaki bazı köyler yarıqsız qaldı. Aqmescit rayonında, hususan Molodöjnoye köyünde bir qaç ev yarıqsız qaldı, yel tereklerni yıqtırdı.
Yerli sakinlerniñ bildirgenlerine köre, böyle şiddetli sağanaqlarnı endi bir qaç yıl körmegenler.
