Link açıqlığı

Qırımtatarlar İlmi Umerovnıñ evinde ğayıp olğanlar ve repressiyalarğa oğrağanlarnıñ qaytması içün dua etecek


Qırımda Rusiye ükümeti tarafından mecburen statsionarda psihiatrik ekspertiza keçirmek içün tutulğan Qırımtatar Milliy Meclisi reisniñ muavini İlmi Umerovnıñ evinde dua keçirilecek.

Musulmanlar İlmi Umerovnıñ Bağçasaraydaki evinde avgust 22-de toplaşacaq.

«Qırımtatarlar, ğayıp olğan, qaçırılğan ve yaqalanğan Qırım musulmanlarınıñ qaytması içün dua etecek», – dep bildirile «Qırım siyasiy mabusları» gruppasınıñ Facebook saifesinde.

Soñki bir qaç ay devamında Qırımda qırımtatarlarnıñ evge qaytması ve qırımtatar halqınıñ amanlığı içün dualar keçirile.

Keçken afta Qırımtatar Resurs merkezi esabat berdi. Vesiqada bildirile ki, işğal etilgen Qırımda rusiyeli ükümet tarafından repressiyalar siyasiydir ve bunıñ maqsadı adamlarnı qorquzmaqtır.

Qırım Rusiye tarafından işğal etilgen soñ yarımadada Ukraina tarafdarları ve qırımtatar faalleri taqip etilip başladı. Bu aqta uquq qoruyıcılar çoq bildirgen edi. Olar Kremlni insan aqları bozuluvını toqtatmağa çağırğan edi. Amma Moskvada ve rusiyeli Qırım ükümeti repressiyalar aqqında malümatnı red ete.

Qırımda uquq qoruyıcılar İlmi Umerovğa qarşı Rusiye Cinaiy kodeksiniñ 280.1 maddesi (separatizm) boyunca cinaiy iş açtı. Mahkeme, onıñ sağlıq alına baqmadan, onı psihiatrik ekspertizadan keçirmek qararını aldı. Psihiatrik dispanserge Umerov hastahaneden ketirildi, o, bu yerge mahkemeden yürek hastalığından sebep ketirildi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG