Moskva akimiyeti «avgust avdarması» kibi adlanğan vaqialarnıñ yıllığına bağışlanacaq eki mitingniñ keçirilmesine ruhset berdi. Avgust 20 ve 22 künleri 100 nefer insanğa qadar iştiraçi ile aktsiyalarnıñ keçirilmesi mumkün. Bunı TASS, Moskvanıñ regional telükesizlik departamentiniñ yolbaşçısı Aleksey Mayorovqa atıf etip, bildire.
Onıñ sözlerine köre miting iştirakçilerine Beyaz evden yürüş başlap, «Rusiyede demokratiya qoruyıcılarnıñ» hatıra işareti yanında, Novıy Arbat ve Sadovoye alqasınıñ çatışmasında toplaşmağa ruhset berildi.
Avgust 16 künü şeer idaresi ilk kere ey yıllıq mitingniñ keçirilmesine qarşı çıqtı. Ruhsetniñ berilmemesi «adden çoq merasimlerniñ sayısınen» ve soqaqlarnıñ tamirlenmesinen añlatıldı. Bunıñ yerine Moskva idaresi Sokolnikteki hayd-park adlanğan yerde ve Suvorovskiy meydanında mitinglerni keçirmege teklif etti. Aktsiyanıñ teşkilâtçıları Lev Ponomaröv ve Mihail Şneyder bu teklifni red ettiler.
