Link açıqlığı

Saatnıñ esas haberi

Avropa Birligi şimdi Rusiyedge qarşı sanktsiyalarnı toqtatmamaq kerek – Merkel


Almaniya baş naziri Angela Merkel Rusiyege qoyulğan sanktsiyalarnıñ lâğu etüv meselesini Avropa Birligi şimdi baqmaq kerek olmağanını beyan etti.

Almaniyadaki RedaktionsNetzwerk Deutschland (RND) media gruppası tarafından avgust 19 cuma künü yerleştirilgen intervyusında Merkel qayd ete ki, Rusiye öz tarafından Ukrainadaki kerginlikni çezmek içün Minsk añlaşmalarını tolu şekilde eda etmey. Bunı «İnterfaks» yaza.

«Temel printsiplerniñ bozuluvına Avropa cevap bermek kerek... Sanktsiyalarnıñ devam ettirilmesi içün bu esas sebeptir», − dey Merkel.

Almaniya kantsleri qayd ete ki, o ve Frenkistan prezidenti François Hollande Ukraina ve Rusiyenen Minsk añlaşmaları, bütün olğan qıyınlıqlarğa baqmadan, tolusınen yerine ketirilmesi içün çalışalar.

XS
SM
MD
LG