Link açıqlığı

Devlet Dumasına sanktsiya altındaki mahsulatnı yoq etmek degil de, fuqarelerge bermek teklif etildi


Sanktsiya altındaki mahsulatnıñ yoq etilmesi

Rusiye Devlet Dumasına, Rusiyede yoq etilmek kerek olğan sanktsiya altındaki mahsulatnıñ muhtaclarğa bedava berilmesi aqqında qanun leyhası kirsetildi.

Vesiqa müellifi, Federatsiya Şurası azası Anton Belâkov ola. O, añlatma mektübinde bildirdi ki, Rusiye vatandaşlarınıñ kerçek aylıqları seviyesi eksile, er altıncı vatandaş ise fuqarelerden ola, bundan sebep sanitar-epidemiologik talaplarğa uyğan mahsulatnıñ yoq etilmesi mantıqsızdır.

Rusiye prezidenti Vladimir Putin sanktsiya altındaki mahsulatnıñ yoq etilmesi aqqında fermannı 2015 senesi iyül ayında imzaladı.

Cemaatçılıq temsilcileri ve uquq qoruyıcılar bu qararğa qarşı çıqtı. Olar alınğan mahsulatnı fuqare ealige teslim etmek teklifinen çıqqan edi. Lâkin, devlet ükümeti bu teklifke diqqat etmedi.

Rosselhoznadzornıñ malümatına binaen, bir yıl içinde Rusiyede devletke mahsulat embargosını taraftan keçken tahminen yedi yarım tonna aşayt mahsulatı yoq etildi.

XS
SM
MD
LG