Link açıqlığı

Ekspert: Qırım – söz serbestligi saqlanması boyunca dünyanıñ eñ yaramay on regionı arasındadır


Rusiye tarafından işğal etilgen Qırım söz serbestligi seviyesi boyunca eñ yaramay on territoriya sırasına kirsetildi. Bu sene sekiz ay içinde yarımadada kütleviy haber vastalarınıñ Qırımda işiniñ tahminen 30 sıñırlanması ya da bozulması qayd etilgen. Böyle fikirni Qırım.Aqiqat Radiosınıñ saba yayınında Kütleviy haber institutınıñ icra müdiri Oksana Romanük bildirdi.

«Dünyanıñ bütün territoriyalarından Qırım eñ yaramay on region sırasına kire, ve bu vaziyetniñ eyileşkenini körmeymiz. Aksine, avgust vaqiaları bir qaç seviyede kerginleşmelerni kösterdi. Birinciden, bu, mustaqil malümat bergen, Ukraina territoriyasından yayınlağan internet saytlarına kirişniñ blok etilmesidir: bu Qırım.Aqiqat, «Çernomorka», «ATR» ve diger kütleviy haber vastalarına kirişnen bağlı problemalar. Ekinciden, bu, iç añlatılmadan, nasıldır qısmen bağ ve internetniñ söndürilmesidir», – dep ayttı Romanük.

Ekspertniñ sözlerine köre, şimdiki vaqıtta işğal etilgen Qırımda «panika köterile» ve «malümat vakuumı» şaraiti qurula. Aynı böyle vaziyet yarımadada 2014 senesi edi. Bundan da ğayrı, Romanğkniñ qayd etkenine köre, Qırımda söz serbestligi saasında bozuvlar çoqlaşa.

Rusiye tarafından işğal etilgen Qırımda bazı haber saytlarına kiriş sıñırlana. Avgust 1-de Radio Svobodanıñ leyhası olğan Qırım.Aqiqat saytı Rusiye tarafından işğal etilgen Qırımda qısmen blok etildi. Bir sıra provayderler saytqa kirişni blok etti.

«Sobıtiya Krıma» portalınıñ muarririyeti olarnıñ saytına avgust kiriş 1-de aqşam yarımadada sıñırlanğanı aqqında bildirdi. Aynı o vaqıt ATR qırımtatar telekanalınıñ saytına kiriş qısmen blok etilgeni aqqında malümat peyda olğan.

OSCE-de, Qırım.Aqiqat saytınıñ blok etilmesi boyunca izaat berip, qullanıcılarnıñ İnternette malümat alma ve paylaşma aqqı haber saytlarına kirişni blok etüv vastasınen bozuluvından qasevet çekkenlerini bildirdiler.

XS
SM
MD
LG