Link açıqlığı

Saatnıñ esas haberi

Rusiye Qırımnı arbiy bazağa çevire – ukrain istihbaratı


Rusiye işğal etilgen Qırımda, yarımadanı arbiy bazağa çevirmek içün, silâ ve arbiy tehnika yañı sistemalarını yerleştire. Bu aqta «5 kanal» yayınında Ukraina Mudafaa nazirliginiñ Baş istihbarat idaresiniñ temsilcisi Vadim Skibitskiy ilân etti. Onıñ sözlerine köre, Ukraina içün eñ telükeli özek silâ taşığan tehnika sayıla.

Ukrain istihbaratınıñ malümatına binaen, Rusiye, eñ yañı raketa komplekslerini qullana bilgen deñizaltı gemiler, fregatlar, raketa katerleriniñ sayısını çoqlaştıra, bundan da ğayrı, Qırımdan Ukrainanıñ bütün toprağına irişe bilecek arbiy aviatsiyanı qaviyleştire.

Ukraina Mudafaa nazirliginiñ Baş istihbarat idaresinde Rusiyeniñ açıq ücüm ete bilecegi telükesiniñ ihtimalı bar olğanını sayalar ve silâ ve arbiy tehnikanıñ taşınmasını nezaret astında tutalar, dep ayttı Skibitskiy.

Salı künü ukrain istihbaratı Rusiyeden Donbassqa nevbetteki silâ ve tehnika, bu cümleden T-64 tankları ve BTR ketirilmesi aqqında bildirdi. Bundan da ğayrı, Gorlovka rayonında eki rusiyeli radiolokatsiya istihbaratı yerleştirildi, dep aytıla beyanatta.

Avgust 10-da FSB bildirdi ki, sanki ukrain istihbaratı tarafından azırlanılğan teraktlarnıñ ögüni kördi. Kiyev bütün qabaatlavlarnı red etti ve yüz bergen vaqialarnı rusiyeli mahsus hızmetlerniñ «provokatsiyası» dep adlandırdı. Ukraina prezidenti Petro Poroşenko Rusiye tarafından işğal etilgen Qırım ile memuriy sıñırda arbiy azırlıqnı qaviyleştirmege emir etti.

XS
SM
MD
LG