Link açıqlığı

Saatnıñ esas haberi

Qırımda ve Rusiye cenübinde maddiy-tehnikiy teminleme boyunca mahsus ögrenüvler başlandı, tedbirlerde 2,5 biñden ziyade asker iştirak etecek. Bu aqta TASS agentligi, Rusiye mudafaa naziriniñ muavini ordu generalı Dmitriy Bulgakovnıñ malümatına esaslanıp, bildire.

«Maddiy-tehnikiy teminleme boyunca mahsus ögrenüvler «Qavqaz-2016» ögrenüvleriniñ keçirilmesine azırlıq maqsadınen yekâne ğaye ve onıñ çerçivesinde keçirile. Umumen olaraq ögerüvlerde tahminen 350 arbiy ve mahsus tehnika aletiniñ qullanması ve tahminen 2500 askerniñ iştirak etmesi planlaştırıla», – dep ayttı Bulgakov.

Ögrenüvler Volgograd vilâyeti, Krasnodar ülkesi, Şimaliy Osetiya ve Rusiye tarafından işğal etilgen Qırımda keçirilecek.

Bulgakovnıñ sözlerine köre, Volgograd vilâyeti poligonlarında demiryol ordusı suv sıñırlarında ordu ve tehnika keçmesi içün köpürler qoyması meselelerini işlep çıqacaq.

«Ögrenüvlerniñ faal basamaqları Cenübiy arbiy okrug, Krımsk uçaq alanı ve Qara deñiz suv alanında keçirilecek», – dep añlattı Bulgakov.

Ögrenüvler avgust 20-de işğal etilgen Qırımda Opuk poligonında yekünlenecek.

Tünevin Avropada AQŞ silâlı quvetler komandanı general-leytenant Frederik Ben Hodjes ilân etti ki, Rusiye devlet cenübinde ve işğal etilgen Qırımda keçirilecek arbiy ögrenüvlerge nezaretçilerni, bunen beraber ğarp mühbirlerini, yibermek kerek.

XS
SM
MD
LG