Link açıqlığı

Saatnıñ esas haberi

Qırımda Qırımtatar Qurultayı delegatınıñ işhanesine tintüv keçirmek içün keldiler


İllüstratsiya fotoresimi
İllüstratsiya fotoresimi

Avgust 15-te, bazarertesi künü Rusiyege boysunğan Qırım uquq qoruyıcı müessiseleri Qırımtatar Qurultayı teftiş komissiyası azası Remzi Muratovnıñ şahsiy işhanesinde tentüv keçire. Bu aqta Qırım.Aqiqatqa Qırımtatar Qurultayı Merkeziy saylav komissiyası reisi Zair Smedlâyev bildirdi.

«Bu endi ekinci tintüv, birinci onıñ evinde oldı, endi ise işhanesinde. Bellesem, tintüv terroristler ve ekstremistlerni qıdıruvnen bağlıdır, er şey er vaqıt olğanı kibi keçirile – maskalar, silâ», – dep ayttı Smedlâyev.

Smedlâyev, mart 22-de Remzi Muratovnıñ evinde keçirilgen tintüvniñ Rusiyege boysunğan Qırım uquq qoruyıcı müessiseleri tarafından yarımadada keçirilgen antiterroristik tedbirlernen bağlı olğanını sayğan edi.

Rusiyeli Qırım uquq qoruyıcılarınıñ resmiy beyanatları yoq.

Halqara teşkilâtlar, bu cümleden Avropa parlamenti, bir çoq kere Rusiye tarafından işğal etilgen Qırımda insanlarnıñ, daa çoq qırımtatarlarnıñ aq-uquqları bozulğanı aqqında aytıp, Moskvanı böyle bozuvlarnı toqtatmağa çağırdı. Rusiye nezareti astında bulunğan Qırım akimiyeti mezkür beyanatlarnı «qabartılğan» dep saymaqta.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG