Link açıqlığı

Saatnıñ esas haberi

Ayıp Eli köyünde paromlarğa biletler satuv kassası açıldı – «Deñiz müdirligi»


Qırımdaki Yedi Quyu rayonınıñ Ayıp Eli (Lugovoye) köyünde Keriç parom keçitine biletler satuv kassası açıldı, bunı «Deñiz müdirligi» şirketiniñ saytı bildire.

«Yolcular içün «Deñiz müdirligi» kassirleri biletni qayd etmege ve eñ az yüklengen time-slot saylamağa yardım etecek, bu paromğa keçüv vaqtını qısqartacaqtır. Bu qassada alınğan biletler, elektron biletler kibi, saylanılğan vaqıtta paromdan keçmekni teminley», – dep qayd etile beyanatta.

Kassa, Aqmescit-Novorossiysk yolunıñ 145,5 kilometrinde yerleşken yaqarlıq toldurılğan stantsiyasında çalışa.

«Deñiz müdirligi» hatırlattı ki, elektron bileti olmayıp keçitke kelgende paromğa keçüvniñ vaqtı uzana bile.

Keriç boğazında parom keçiti Qırımnı Rusiye Federatsiyasınıñ Krasnodar ülkesinen bağlağan esas naqliye yolu ola. Ukraina qanunlarına köre, işğal etilgen Qırımğa Keriç parom keçitinden kiriş yasaqtır ve devlet sıñırı keçüvine musaviydir.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG