Link açıqlığı

Saatnıñ esas haberi

Qırımda özüni nasıl alıp barmaq ya da yarımadağa asıl da barmamaq – ukrain nazirliginiñ muracaatı


Vaqtınca işğal etilgen topraqlar ve devlet içinde köçken vatandaşlar meseleleri boyunca nazirlik neşir etken muracaatta Qırımğa ziyaretlerden vazgeçmek rica etile, bunen beraber, işğal etilgen yarımada territoriyasında özüni nasıl alıp barmaq kerek olğanına diqqat etile.

«Qırım Muhtar Cumhuriyetindeki vaziyet boyunca Rusiye Federatsiyasınıñ provokatsion beyanatları munasebetinen, Ukraina vatandaşlarını vaqtınca işğal etilgen Qırımğa ziyaretlerden vazgeçmege çağıramız. Vaqtınca işğal etilgen yarımadada bulunğan Ukraina vatandaşlarına muqayt olmağa, provakatsiyalarğa oğramamağa ve rusiyeli kütleviy haber vastalarından alınğan malümatlarğa diqqatnen davranmağa rica etemiz», – dep bildireler beyanatta.

Bunen beraber nazirlik bildire ki, ukrain tarafı «halqara uquq qoruyıcı ve gumanitar teşkilâtlarnıñ vaqtınca işğal etilgen Qırım territoriyasına kirişni teminlemek maqsadınen tedbrilerni» keçirip başladı.

Avgust 10-da Rusiye Federal havfsızlıq hızmeti bildirdi ki, işğal etilgen yarımadada kerçekleştirilecek teraktlarnıñ ögü alındı. Moskva Ukrainanı qabaatlay. Rusiye prezidenti Vladimir Pütin FSB beyanatını izaatlap, Kiyev muzakereler yolunı degil, terrorğa keçe, dep ayttı. O, «norman formatında» sammitni keçirmek «fayda yoq», dep qayd etti.

Ukraina prezidenti Petro Poroşenko Kremlniñ Qırım qabaatları «sebepsiz ve tsinik» olğanını ayttı.

Ukraina Silâlı quvetleriniñ Baş ştabı Rusiye Federal havfsızlıq hızmetiniñ beyanatlarını red etip, bular provokatsiya olğanını aydınlattı. Ukraina devlet sıñır hızmeti bildirdi ki, Rusiye işğal etken Qırım ve esas Ukraina arasındaki memuriy sıñırğa yañı tehnikanen temin etilgen askerlerni qoydı, ukrainlerge yarımada ziyaretlerinden vazgeçmege tevsiye etile.

Ukrainada AQŞ elçisi Geoffrey Pyatt bildirdi ki, AQŞ Rusiyeniñ Ukrainağa qarşı «Qırım istilâsı» qabaatlarınıñ delillerini körmedi. Onıñ qayd etkenine köre, «Rusiye Ukrainağa qarşı yalan qabaatlar aytıp, özüniñ yañlış areketlerini gizleycek ola».

Avropa Birliginde ilân ettiler ki, Rusiyeniñ qabaatlavlarınıñ mustaqil müessiseler, hususan OSCE, tarafından tasdıqlanması olmadan, taraflardan iç birine destek köstermezler.

XS
SM
MD
LG