Link açıqlığı

Rusiye prezidenti Vladimir Putin Havfsızlıq şurası daimiy azalarınen operativ toplaşuv keçirdi. Avgust 11-de Kreml matbuat hızmetiniñ bildirgenine köre, işğal etilgen Qırımdaki vaziyet muzakere etildi.

«Yarımadada Rusiye Federatsiyası mahsus hızmetleri teraktqa yol bermegenleri munasebetinen vatandaşlarnıñ ve Qırım infrastrukturasınıñ müim obyektleriniñ havfsızlığı teminlenmesi boyunca qoşma tedbirler muzakere etildi. Sıñır, deñiz ve Qırım ava boşluğında antiterroristik havfsızlığı boyunca tedbirlerniñ stenariyleri tafsilâtlıca baqıldı», – dep aytıla beyanatta.

Elde etilgen malümatqa köre, toplaşuvda Rusiye prezidentiniñ Azerbaycan, İran, Türkiye ve Ermenistan liderleri ile halqara körüşüvlerinde irişilgen añlaşmalar muzakere etildi.

Bunen beraber bildirile ki, iştirakçiler, halqara mevzulardan ğayrı, Rusiye içindeki içtimaiy-iqtisadiy meseleler boyunca söz yürsetti.

Toplaşuvda ükümet reisi Dmitriy Medvedev, prezident memuriyeti yolbaşçısı Sergey İvanov, Devlet Duması reisi Sergey Narışkin, içki işler naziri Vladimir Kolokoltsev, Havfsızlıq şurası kâtibi Nikolay Patruşev, mudafaa naziri Sergey Şoygu, tışqı işler naziri Sergey Lavrov, Federal havfsızlıq hızmeti müdiri Aleksandr Bortnikov, Tışqı istihbarat hızmeti müdiri Mihail Fradkov, Havfsızlıq şurası kâtibiniñ muavini Raşid Nurgaliyev iştirak ettiler.

Avgust 10-da, çarşenbe künü Rusiye prezidenti Vladimir Putin, Ukraina «Qırımda terakt» azırlağanı aqqında rusiyeli FSB-nıñ beyanatına izaat berip, ilân etti ki, Kiyev muzakereler yollarını qıdırmay, amma terrorğa keçe.

Ukraina prezidenti Petro Poroşenko Kremlniñ Qırım boyunca qabaatlavlarını «mantıqsız ve utanmazca» dep adlandırdı.

Ukraina Silâlı quvetler Baş ştabında Rusiye Federal havfsızlıq hızmetiniñ beyanatını red ete.

Ukraina Tışqı işler nazirligi ilân etti ki, Ukrainada Kiyevniñ işğal etilgen Qırımda «terrorizm» ile bağlı olğanı aqqında Rusiyeniñ beyanatlarını takbih eteler, bunıñ Kreml tarafından nevbetteki provokatsiya olğanını aytalar ve bütün bu qabaatlavlarnı delilsiz dep red eteler.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG