Link açıqlığı

Saatnıñ esas haberi

Kreml tarafından tayinlengen işğal etilgen Qırımnıñ ameldeki yolbaşçısı Sergey Aksönov yarımadada «ukrain diversantlarnıñ» areketlerine «mütenasip cevap» berilecegini vade etti.

«Mahsulatnı hırsızlağan qarğalarnen fermacılar nasıl davranğan olsa, aynı böyle diversantlarğa nisbeten davranmalı: olarnı öldürmek ve sıñır qarşısında asmaq, başqalar avesinden keçsin dep», – dep bildirdi Aksönov, avgust 11-de «Rusiye 24» telekanalına intervyu berip.

Rusiyeli telekanallar uquq qoruyıcılar taqdim etken «ukrain diversantlarnıñ» sanki yaqalanuvını köstergen «operativ videonı» köstere, amma tek bir kişini köstereler, onıñ Zaporojye vilâyeti sakini Yevgeniy Panov olğanını aytalar. Bunen beraber, yaqalanğan kişiniñ beti saqlanılmay.

Bundan da ğayrı, rusiyeli menbalar tarqatqan videoda körüne ki, kamuflâj urbalı rusiyeli uquq qoruyıcılar arqa çantasından granatalar, detonatorlar, trotil, qırmızı bibernen paketler çıqara.

Uquq qoruyıcı organlarındaki menba TASS agentligine bildirdi ki, yaqalanğan «diversantlarnıñ» sayısı – taqiqat sırı ola.

Avgust 10-da, çarşenbe künü Rusiye prezidenti Vladimir Putin, Ukraina «Qırımda terakt» azırlağanı aqqında rusiyeli FSB-nıñ beyanatına izaat berip, ilân etti ki, Kiyev muzakereler yollarını qıdırmay, amma terrorğa keçe.

Ukraina prezidenti Petro Poroşenko Kremlniñ Qırım boyunca qabaatlavlarını «mantıqsız ve utanmazca» dep adlandırdı.

Ukraina Silâlı quvetler Baş ştabında Rusiye Federal havfsızlıq hızmetiniñ beyanatını red ete.

Ukraina Tışqı işler nazirligi ilân etti ki, Ukrainada Kiyevniñ işğal etilgen Qırımda «terrorizm» ile bağlı olğanı aqqında Rusiyeniñ beyanatlarını takbih eteler, bunıñ Kreml tarafından nevbetteki provokatsiya olğanını aytalar ve bütün bu qabaatlavlarnı delilsiz dep red eteler.

XS
SM
MD
LG