Link açıqlığı

Putin ve Erdoğan munasebetlerni ve «Türkiye aqımını» yañıdan tiklemege añlaştı


Vladimir Putin ve Recep Tayyip Erdoğan

Rusiye prezidenti Vladimir Putin ve Türkiye prezidenti Recep Tayyip Erdoğan rusiyeli Sankt-Peterburg şeerinde keçirilgen körüşüvinden soñ, eki devlet arasındaki munasebetlerni olarnıñ arasında dava yüz bergeninden evel olğan seviyege qadar tiklemek esas vazife olğanını ilân etti.

Putin bildirdi ki, Rusiye Türkiyege qarşı kirsetken sanktsiyalarnı yavaş-yavaş lâğu etecek.

Erdoğan rusiyeli zenaatdaşını «aziz dostum» dep adlandırdı ve eki devlet zararlanğan munasebetlerni yañıdan tiklep, olarnı daa eyi yapa bilecegini ilan etti.

Eki taraf munasebetlerniñ kerginleşmesi sebebinden toqtatılğan «Türkiye aqımı» gaz borusı boyunca işlerni yañıdan başlatmasını tasdıqladı.

Bu, eki prezidentniñ keçken sene noyabr ayında Moskva ve Ankara arasındaki munasebetler kerginleşkeninden soñ ilk körüşüvi oldı. O vaqıt Türkiye arbiy ava quvetleri Türkiye ve Süriye arasındaki sıñır yanında rusiyeli Su-24 cenk uçağını urdı. O zaman Rusiye Türkiyege qarşı sanktsiyalar kirsetti.

Amma keçken ay Türkiyede yüz bergen muvafaqiyetsiz avdarma ıntıluvından soñ Ankara, isyanda iştirak etkeninde şeklenilgen kişilerniñ qattı bastırılması içün Ğarp memleketleri tarafından takbih etilgeninden soñ, Moskvanen yaqınlaşıp başladı.

XS
SM
MD
LG