Link açıqlığı

Aksönov, yañı «suvuq cenkniñ» başlanması istisna degil, dep belley – Kütleviy haber vastaları


Sergey Aksönov

Kremlge boysunğan Qırım ükümetiniñ yolbaşçısı Sergey Aksönov ğarp memleketleri ile «suvuq cenkniñ» başlanması ola bilecegini ilân etti. Bu aqta Aksönov avgust 8-de, bazarertesi künü ayttı, dep bildire TASS agentligi.

«Suvuq cenk tarafından baqsaq, e, bu olabilecek şeydir... (Ğarbiy memleketlerniñ – TASS) Ameldeki yolbaşçılarnen munasebetler sıcaq olamaz», – dep qayd etti o.

Aksönov bildirdi ki, Qırım «başqa ömürde iç bir vaqıt devletçilikni deñiştirmez», ve «ğarp memleketleri bu qararnıñ soñki olğanını ne qadar tez añlasa, o qadar munasebetlerimiz yahşı olacaq ve er keske beraberlikte çalışmağa o qadar qolay olacaqtır».

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG