Link açıqlığı

Ükümet, Televizion ve radio devlet komitetine «Eurovision-2017» keçirilmesine 450 mln grivna ayırdı


Ukraina nazirler kabineti Ükümet Televizion ve radio devlet komitetine ihtiyat fondundan «Eurovision-2017» halqara yarışınıñ keçirilmesine 450 million grivna ayırdı. Mütenasip qarar ükümet toplaşuvında qabul etildi.

Para, qaytarılacaq dep şartınen ayırıldı.

Bunen beraber Maliye nazirligine Televizion ve radio devlet komiteti içün mütenasip parağa bücet nasıbınıñ yükselmesi boyunca leyhalarnı azırlamağa avale etildi.

Ukrain yırcısı Jamala «Eurovision-2016» konkursında ğalebe qazandı. Yarış mayıs ayında Stokgolm şeerinde keçirildi. Nevbetteki «Eurovision-2017» konkursını Ukraina qabul etecek. Kiyev, Odessa, Lvov, Dnepr ve Herson şeer yolbaşçıları öz şeerlerinde yarışnı keçirmege azır olğanlarını bildirdi.

XS
SM
MD
LG