Pakistanda yüz bergen patlav neticesinde qurbanlarnıñ sayısı 53-ke yetti. Patlav avgust 8-de Pakistan cenübiy-ğarbında yerleşken Kvetta şeerinde hastahane yanında yanğıradı. Politsiyanıñ malümatına köre, daa 30-dan ziyade insan yaralandı.
Vilâyet içki işler naziri Sarfraz Bugti ücümni «terrorizm eylemi» olaraq takbih etti.
Politsiya hadimleriniñ aytqanlarına köre, patlav, bundan evel atışma neticesinde elâk olğan belli adliyeciniñ cesedi hastahanege ketirilgeninden soñ yüz berdi.
İç bir taqım ücüm içün mesüliyetni boynuna almadı.
Belucistan cenübiy-ğarp vilâyeti akimiyetiniñ temsilcisi bildirdi ki, taqiqat işleri alıp barıla.
Bunen beraber, bundan evel avgust 8-de mahkemege ketken adliyeci Bilal Kasseni kim oldürgeni belli degil. Politsiyanıñ bildirgenine köre, patlav neticesinde elâk olğanlarnıñ çoqusı adliyeciler ola, olar hastahane yanında bu yerge zenaatdaşı Kasseniñ cesedi ketirilgen soñ toplaştı.
