Odessa vilâyetinde furtuna, boranlı yağmur ve sağanaq neticesinde bir insan elâk oldı, Odessada soqaqlar suv astında qaldı ve çoq terek qırıldı.
«Dumskaya» Odessa internet-neşriniñ malümatına binaen, felâket kurort Zatoka köyünde yüz berdi – o yerde muzıka festivali vaqtında aqay kişini yaşın urıp öldürdi. Bunen beraber sana bozuldı, bir qaç insan yaralandı.
Odessa merkezinde bir qaç soqaq ve meydan suv astında qaldı, onlarca yerlerde terekler sındı.
Şeerde kergin avanıñ aqibetlerini yoq etmek içün ştab teşkil etildi.
