Link açıqlığı

Saatnıñ esas haberi

Qırımğa boranlı yağmur ve şiddetli yel kele


Qırımda avgust 3-te, çarşenbe künü furtuna havfı ilân etildi. Rusiyege boysunğan Fevqulade vaziyetler nazirliginiñ Qırım idaresiniñ malümatına binaen, yarımadada şiddetli sağanaqlar, boranlı yağmur, burçaq ve şiddetli yel beklenile.

«Qırım gidrometeorologiya ve etraftaki müit nezareti boyunca idaresiniñ malümatına köre, avgust 3-te künniñ ekinci qısmında ve aqşam, avgust 4-te saba ve kündüz Qırımnıñ bazı rayonlarında şiddetli sağanaqlar, boranlı yağmur, burçaq, saniyede 15-20 metr suratınen yel beklenile», – dep aytıla beyanatta.

İşğal etilgen Qırımda şiddetli yağmurlar aman-aman bütün iyün ayı devamında ve iyül başında yağdı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG