Qırım İslâm-Terek rayonında yüz bergen qaza neticesinde eki insan elâk oldı, sekiz kişi, bu cümleden üç bala, zararlandı.
GİBDD Qırım idaresi matbuat hızmetiniñ bildirgenine köre, avgust 1-de saat 13.05-te «Lada Largus» avtomobiliniñ 1981 senesi doğğan aydavcısı Canköy-Kefe-Keriç yolunda kete edi.
«Ekinci dereceli yoldan esas yolğa çıqqanda, areket hafsız olğanında emin olmadı, neticede «Toyota» avtomobilinen çatıştı, onıñ dümeni başında 1956 senesi doğğan, Canköy tarafından Kefe tarafına esas yolda ketken aydavcı edi», – dep bildirdiler müessisede.
Qaza neticesinde «Lada Largus» avtomobiliniñ eki yolcusı elâk oldı.
2002, 2008 ve 2002 seneleri doğğan üç bala zararlandı, olar «Lada Largus» avtomobilinde edi. Olarnıñ el-ayağı yaralandı, köküs qafesi ve yüzniñ yımşaq terisi zararlandı.
Bunen beraber, «Lada Largus» maşnasınıñ 1983 senesi doğğan eki yolcusı, 1981 senesi doğğan «Lada» aydavcısı, 1960 senesi doğğan «Toyota» yolcusı ve 1956 senesi doğğan «Toyota» aydavcısı zararlandı, dep qayd ettiler müessisede.
