Link açıqlığı

Saatnıñ esas haberi

Erdoğan Cemilevni ve qırımtatarlarnı Türkiyedeki avdarma vaqtında destek köstergenleri içün teşekkür bildire


Türkiye prezidenti Recep Tayyip Erdoğan qırımtatar lideri Mustafa Cemilevge ve bütün qırımtatar halqına iyül ayında Türkiyede yüz bergen devlet avdarması vaqtında destek köstergenleri içün teşekkür bildirdi.

«Devletimizde 2016 senesi iyül 15-te yüz bergen devlet avdarması ıntıluvı munasebetinen yollanılğan destek ve taziye mektübiñiz içün teşekkür bildirem», – dep bildire Erdoğannıñ mektübindeki sözlerini Ukraina prezidentiniñ qırımtatar meseleleri boyunca vekâletlisi Mustafa Cemilevniñ matbuat hızmeti.

«Demokratiyamız ve qıymetli halqımıznıñ serbestligine qarşı olğan hain avdarma ıntıluvına qarşılıq kösterilgen vaqıtta qardaşlarımıznıñ – qırımtatarlarnıñ destegini duyma bizge küç berdi ve ruhlandırdı», – dep aytıla mektüpte.

Erdoğan bütün qırımtatar halqına sağlıq ve selâmetlik tiledi.

İyül 16-ğa keçer gecesi Türkiyede arbiy avdarma ıntıluvı yapıldı, ükümet isyannı bastırdı. Avdarmada iştirak etkeninde şeklenilgen 15 biñden ziyade adam yaqalandı. Çarşenbe künü Türkiye ükümeti bir yarım biñ askerniñ işten boşatılması aqqında bildirdi, olardan yüzden ziyade insan yüksek itibarlı arbiy adamlardır. Yüzden ziyade milliy kütleviy haber vastası işini toqtattı.

XS
SM
MD
LG