Link açıqlığı

Saatnıñ esas haberi

Aqyarda arbiy-deñiz paradını 500 politsiya hadimi ve 50 kazak qoruy edi


Rusiye tarafındna işğal etilgen Aqyarda Rusiye Arbiy deñiz flotu kününe bağışlanğan arbiy-deñiz paradı keçirilgen vaqıtta cemaat tertibini tahminen 500 rusiyeli politsiya hadimi, 800 asker ve 50-ge yaqın yerli kazak temsilcisi ve cemaatçılar qoruy edi. Bu aqta Aqyarda Rusiye İçki işler nazirliginiñ matbuat hızmeti bildire.

Bildirilgen malümatqa köre, «cemaat tertibiniñ büyük bozuluvları olmadı».

Tünevin Aqyarda deñiz paradı teşkil etildi. Amma Rusiye Arbiy deñiz flotu kününe kelgen yüzlerce rusiyeli turist ve Qırım sakinleri onı körip olamadı, çünki şeer merkezinde çoq adam toplaştı ve arbiy adamlar sıñırlı tedbirlerni alıp bardı.

Arbiy deñiz flotu künü Rusiyede iyülniñ soñki bazar künü qayd etile. Bu munasebetinen bu sene Aqyarda arbiy paradına yerler üç yarım biñ rublege satıla edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG