Link açıqlığı

Pokemon Go elektron oyunı, Rusiye Federatsiyası qullanıcıları içün irişile bilgen olacağından soñ, rusiyeli qanunlarğa uyğanına teşkerilecektir.

Bu aqta Roskomnadzor yolbaşçısı Aleksandr Jarov «İzvestiya» gazetasına bergen intervyusında bildirdi.

Jarovnıñ sözlerine binaen, o, oyun yaratıcılarınıñ «yer haritalarınıñ yañılması ve malümat toplama boyunca nasıldır casuslıq maqsatları» bar olğanını tüşünmey.

Pokemon Go oyunında geomevamı qullanıla, o smartfonnıñ kartına qoşula ve qoşma kerçek effektini peyda ete. Yaqın vaqıtta oyun rusiyeliler içün App Store ve Google Play servislerinde peyda ola bile, amma internette endi, sıñırlanmadan qaçınıp, onı yüklemek nasıl mümkün olğanını añlatqan talimat peyda oldı.

Rusiye tarafından işğal etilgen Qırımda İçki işler nazirligi pokemonlarğa avnıñ telükeli olğanı aqqında haber etti.

XS
SM
MD
LG