Link açıqlığı

Saatnıñ esas haberi

«Yamal» uçağı Aqmescit ava limanında sındı


«Yamal» avia şirketiniñ A-320 VP-BCU uçağı 151 yolcunen Aqmescit ava limanından Nijnevartovsk şeerine çıqıp olamadı, uçaq köterilüv-eniş şeritinden keçkende bozuluv oldı, dep bildirile cuma künü avia şirketiniñ portalında.

«Nijnevartovsk şeerine LMM-509 seferinen ketken A-320 VP-BCU uçağında gidrosistemada qararsız basım aqqında işaret berildi. Eki esas gidrosistema ştat rejiminde çalıştı. Erkân ava limanında bozuluvnı yoq etmek içün uçaqnı toqtattı», – dep aytıla sayttaki malümatta.

Uçaqnı turaq yerine buksir vastasınen ketirildi. Yolcular Nijnevartovsk şeerine «Yamal» avia şirketiniñ A-320 VQ-BNR yedek uçağınen yollanıldı.

Vaqia neticesinde üylege qadar Aqmescit ava limanında diger uçaq seferleri keçiktirildi.

İşğal etilgen Qırımda seferlerniñ keçiktirilmesi iyül 18-de başlandı, o vaqıt «VİM AVİA» şirketiniñ yolcuları Aqmescit ava limanında bir künden ziyade seferni bekledi. Bunı tehnikiy meselelernen añlatqan ediler.

Rusiye Cenübiy naqliye prokuraturası vaqia boyunca teşkerüv teşkil etti.

Kelecek künler ava limanında diger rusiyeli şirketlerniñ uçaq seferleri bir qaç saatqa keçiktirilgen edi.

2014 senesi mart ayında yarımada Rusiye tarafından işğal etilgen soñ, Qırım ava limanları Ukraina ükümetiniñ qararınen qapatıldı. O yerge ve o yerden er angi uçuşlar Ukraina qanunlarını ve halqara qaidelerni boza, bunıñ içün ava şirketleri Ukraina ve İKAO tarafından halqara sanktsiyalarğa oğray bile.

Şimdiki vaqıtta Qırımğa uçaq seferleri tek rusiyeli şirketler tarafından teşkil etile.

XS
SM
MD
LG