Link açıqlığı

Ukraina Tışqı işler nazirligi Qırımnıñ Rusiye Cenübiy okrugına kirsetilmesine qarşı narazılıq bildire


Sergey Kislitsa, Ukraina Tışqı işler nazirliginiñ temsilcisi

Ukraina Tışqı işler nazirligi «Qırım federal okrugınıñ» yoq etilmesi ve onıñ Rusiye Federatsiyasınıñ Cenübiy federal okrugına qoşulması munasebetinen narazılıq bildire. Bu aqta Ukraina tışqı işler naziriniñ muavini Sergey Kislitsa iyül 28-de, cumaertesi künü keçirilgen «Rusiye Federatsiyası tarafından Qırım işğali devamında belgisiz ğayıp olğan ve elâk olğanlar» ekspozitsiyasınıñ açılışında bildirdi.

Onıñ qayd etkenine köre, böyleliknen Qırımnıñ rusiyeli ükümeti «qorquzma siyasetini ve Qırımda qorqu ve duşmanlıq vaziyetini devam ettire».

«Bu yerde böyle tüşünmek mümkün ki, halqara teşkilâtlar ve devletler kibi, ciddiy ortaqlar, Qırımdaki sanktsiyalarnı bu Cenübiy federal okrugınıñ territoriyasına da kenişletecek», – dep ayttı Sergey Kislitsa.

İyül 28-de Rusiye prezidenti Vladimir Putin «Cenübiy federal okrug aqqında» fermannı imzaladı, bu okrugnıñ içine işğal etilgen Qırımnı kirsetti. Böyleliknen, 2014 senesi yarımadanıñ işğalinden soñ teşkil etilgen Rusiyede Qırım federal okrugı yoq etildi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG