Link açıqlığı

Kremlge boysunğan işğal etilgen Qırım ükümetiniñ yolbaşçısı Sergey Aksönov yarımada Kurort ve turizm nazirligine sentâbr 1-ge qadar meskün yerlerden tış olğan er plâj zonası içün mesüliyetlilerni belgilemege vade etti. Bu aqta Aksönovnıñ matbuat hızmeti bildire.

«Mesüliyetliler belgilengen soñ, programmanı işlep çıqarmaq, temizlik işleri içün adamlarnıñ kerekli sayısını belgilemek, er plâj yanında çöplük tenekelerini ve bio ayaqyollarnı qoymaq kerek olur», – dedi Aksönov.

Rusiyege boysunğan Keriç memuriyetiniñ reberiyeti şeer içindeki plâjlarnı teşkerüvi neticesinde ayaqyollarnıñ yetmemezligini ve adamlar raatlanğan yerlerde çoq çöplük olğanını bildirgen edi.

İyül başında Rusiyege boysunğan Qırım ükümetinde yarımada plâjlarınıñ vaziyeti yaramay olğanını tanıdılar.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG