Qırımda iyül 27-de çarşenbe künü furtuna havfı ilân etildi. Rusiyege boysunğan Fevqulade vaziyetler nazirliginiñ Qırım idaresiniñ malümatına binaen, yarımadada şiddetli sağanaqlar, boranlı yağmur, burçaq ve saniyede 20 metr suratınen şiddetli yel beklenile.
Müessisede Qırım sakinlerini şiddetli yağmur ve yel vaziyetinde havfsızlıq qaidelerini bozmamağa çağıralar.
Keriç parom keçitinde ava kerginleşkeni sebebinden parom areketiniñ sıñırlanması aqqında şimdilik bildirilmey.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
