Link açıqlığı

Qırımda gece vaqtında yollarnı yarıqlatmaq içün beş milliard ruble kerek. Bu aqta «Krımdorsvâz» işhanesiniñ yolbaşçısı Vladimir Gribanov iyül 27-de keçirilgen Rusiyege boysunğan Qırım ükümetiniñ toplaşuvında bildirdi.

«Şimdiki vaqıtta regional ve şeerlerara emiyeti olğan avtomobil yollarında elektrik yarıqlama yolaqlarınıñ umumiy uzunlığı 37,5 kilometrni teşkil ete. Bunen beraber, elektrik yarıqlama yolaqlarına ihtiyac – 853 kilometrdir. Bundan da ğayrı, 98 cayav keçitini yarıqlatmaq kerek, bu ise, elektrik yarıqlama yolaqlarınıñ 42 kilometrni teşkil ete», – dep ayttı Gribanov.

«İşlerniñ qayd etilgen miqdarınıñ leyha yapılması ve quruvınıñ fiyatı beş milliard rubleden ziyadedir», – dep qayd etti «Krımdorsvâz» işhanesiniñ yolbaşçısı.

Onıñ bildirgen malümatına binaen, 2016 senesiniñ ilk yarım yılında Qırımda 940 qaza yüz berdi, bunıñ neticesinde 146 kişi elâk oldı, daa biñden ziyade insan yaralandı. Bunen beraber, 20% yollarnıñ yaramay yarıqlaması sebebinden elâk oldı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG