Link açıqlığı

Kreml tarafından tayinlengen işğal etilgen Qırım yolbaşçısı Sergey Aksönov ükümetniñ bütün temsilcileriniñ ekstrimal ayat tarzı olmasına qol tuta. Bu aqta o, yarımadanıñ Aqmeçit rayonındaki «Extreme Qırım 2016» festivalini ziyaret etken soñ Facebook saifesinde yazdı.

«Bu, yarımadamıznı sevgenler içün, bütün yılğa müsbet energiya, sağlıq ve yahşı keyf almağa istegenler içün bayramdır. Ve, bellesem, ükümet organlarınıñ hadimleri de böyle ayat tarzına yaqınlaşmaq ve böyle printsip boyunca yaşamaq kerek – raatlıq olsa, faal olsun, bayram olsa, sportiv olsun», – dep qayd etti Aksönov.

«Extreme Qırım 2016» festivali Qırımnıñ Aqmeçit rayonındaki Qara Acı (Olenevka) köyünde iyül 23-te başlandı ve iyül 31-ge qadar devam etecek.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG