Link açıqlığı

Aqyar akimiyeti Sankt-Peterburg belediyesinen futbol oynacaq


İşğal etilgen Aqyarda iyül 30-da Sankt-Peterburg belediyesi, Kremlge boysunğan Aqyar akimiyeti ve Rusiye Qara deñiz flotu taqımları arasında futbol yarışı keçirilecek.

Bu aqta Kremlge boysunğan Aqyar akimiyetiniñ matbuat hızmeti bildire.

«Saat 16:00-dan 20:00-ge qadar Sankt-Peterburg belediyesi, Aqyar akimiyeti ve Rusiye Qara deñiz flotu taqımları arasında futbol yarışı keçirilecek. Yarış «Sevastopol» stadionında olıp keçecek», – dep aytıla beyanatta.

Merasim Aqyar yaşlar ve sport meseleleri boyunca idaresi ve «Aqyar futbol federatsiyası» regional cemaat teşkilâtı tarafından teşkil etile.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG