Link açıqlığı

Saatnıñ esas haberi

Aqyarda şeerni 180 biñ turist ziyaret etkenini bildireler


İşğal etilgen Aqyarda şeerni 180 biñ turist ziyaret etkenini qayd eteler. Bu aqta iyül 25-te, bazarertesi künü apparat toplaşuvında Aqyar inkişaf leyhaları bölüginiñ müdiri Sergey Smirnov ilân etti, dep bildire Kremlge boysunğan Aqyar akimiyetiniñ matbuat hızmeti.

Onıñ sözlerine binaen, böyle malümat iyün 30-da qayd etildi, turistlerniñ sayısı, keçken seneniñ aynı müddetine köre, 9 fayızğa ziyadedir, dep ayttı Sergey Smirnov.

Matbuat hızmeti bildirgen malümatqa köre, turistler Moskva, Sankt-Peterburg, Yekaterinburg, Tümen, Sartov, Samara, Krasnodar ülkesi, Rusiyeniñ Tula, Rostov, Volgograd, Yaroslav, Kaliningrad vilâyetlerinden kele.

«Turist aqını coğrafiyasınıñ keñleşmesi, bu cümleden, Aqmescit ava limanına ketken doğru uçaq seferleri sayısınıñ artqanınen bağlı. Şeerimizni İtaliya, Frenkistan, Azerbaycan, Latviya, Büyük Britaniya, Macaristan, Qazahistan, Qıtay, Litvaniya ve Sırbistandan kelgen ecnebiy turistler de ziyaret ete», – dep ayttı Sergey Smirnov.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG