Link açıqlığı

Saatnıñ esas haberi

Qırım işğalinden evel yarımada yolları Ukrainanıñ yollarından farqlanmay edi – Kava


Ukrainanıñ bütün regionlarında, bu cümleden Qırım Muhtar Cumhuriyetinde, yollarnıñ vaziyeti, bazı yerlerden ğayrı, qanaatlendirici dep aytmaq mümkün degil. İşğal etilgen Qırım yarımadasında yollar nasıl olğanı ve bu saanıñ kelecegi ne olğanı aqqında Qırım.Aqiqat Radiosınıñ saba yayınında Ukraina infrastruktura naziriniñ sabıq muavini Aleksandr Kava, rusiyeli ükümetniñ yarımadada yollarnı qurmaq planlarnı muzakere etip, añlattı.

«Qırım aqqında aytsaq, bu yerde vaziyet devletniñ diger regionlarında kibi edi. Ve 25 yıl devamında vaziyet, kerçekten de, kerginleşti. Bir yahşı nümüne bar edi – bu Aqmescit-Aluşta-Yalta yoludır, onı halqara maliye teşkilâtlardan alınğan parağa tamir ettiler. Diger yollar ise, yavaş-yavaş iprana edi», – dedi o.

«Qırım baarinden» soñ rusiyeli ükümet Qırım sakinlerine bergen çoq vadeler arasında esas yöneliş yarımadanıñ yol ağınıñ bütünley yañılması edi. Bu planlar soñ 2020 senesine qadar Qırım ve Aqyarnıñ içtimaiy-iqtisadiy inkişafı Federal programmasına kirsetildi. Olarnıñ ömürge keçirilmesine 100 milliard rusiyeli rubleniñ ayırılması belgilendi.

Eki yıl keçken soñ yarımadanıñ strategik avtomobil yollarınıñ çoq qısımları öyle de tamir etilmeyip qala, esas leyhalarnıñ ömürge keçirilmesi müddetleri başqa tarihlarğa keçirile.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG