Avgust başında Kareliyadaki Sâmozeroda lagerde zararlanğan moskvalı balalarnıñ qorantaları Qırımğa yollanılacaq. Bu aqta TASS agentligi, «Mosgortur» teşkilâtınıñ malümatına esaslanıp, bildire.
«Mosgortur» teşkilâtınıñ matbuat hızmetinde qayd eteler ki, Qırım ve Krasnodar ülkesini raatlanmaq içün yer olaraq zararlanğan balalarnıñ qorantaları özleri sayladı.
Müessiseniñ baş müdiri Vasiliy Ovçinnikovnıñ sözlerine binaen, 36 qorantadan 32 tek yönelişni degil de, amma musafirhanelerni ve ziyaretniñ vaqtını da sayladı. Çoqusı avgust ayında raatlanacaq, dep ayttı Ovçinnikov.
Onıñ qayd etkenine köre, putövkalar «Mosgortur» teşkilâtına devlet vazifesini ömürge keçirmek içün ayırılğan parağa» alına.
İyün 18-de «Park-otel Sâmozero» tedaviylendirici lageriniñ 47 balası ve dört büyük kişi eki qayıq ve raftanen kezip furtunağa oğradı. Qayıqlar avdarıldı. Qurtarıcı işler vaqia yüz bergen soñ 20 saat keçken soñ başlandı. 14 mektep talebesi elâk oldı.
Balalar raatlanğan «Park-otel Sâmozero» lageri qapatıldı. Onıñ reberiyeti yaqalandı. Kareliya Rospotrebnadzor yolbaşçısı ev yaqalanmanen cezalandırıldı.
