Link açıqlığı

Rusiye ükümetiniñreisi Dmitriy Medvedev iyül 25-te, bazarertesi künü Aqyarda yarımadada yollarnıñ inkişafı boyunca toplaşuv keçirecek. Bu aqta rusiyeli ükümetniñ matbuat hızmeti bildire.

«İyül 25-te Aqyarda Dmitriy Medvedev Qırım federal okrugında yol hocalığınıñ bugünki vaziyeti ve kelecekte inkişafı boyunca toplaşuv keçirecek», – dep aytıla beyanatta.

İyül başında Rusiye Federatsiyası prezidentiniñ Qırımda vekâletli temsilcisi Oleg Belaventsev ilân etti ki, Qırım yollarınıñ 80 fayızı rusiyeli standartlarğa uymay, bazı da pek yaramay.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG